Dudog`ngda qolgan xarir bo`salar,
Nahot yot lablarda titrab so`ladi?
Ohudek hurkarding qo`lingdan tutsam,
Sochingni silasam- uyat bo`ladi.
Armon - poyimizga to`shalgan gilam.
Faqat dilda qayg`u ko`zlarda so`roq.
Olisdan yonma yon ko`ringan bilan,
Ikki yulduz misol oramiz yiroq.
Bir iliq so`zga ham yetmas imkonim,
Ko`nglim bo`shab borar, o`pkam to`ladi.
Yig`la, senga yig`i yarashar jonim,
Men ham yig`lay desam, UYAT BO`LADI.
Kategoriya:
Sevgi muhabbat |
O'qishlar soni: 2071 |
Joylangan sanasi:
03-04-2008
| Reytingi: 5.0/1
