Dudog`ngda qolgan xarir bo`salar,
Nahot yot lablarda titrab so`ladi?
Ohudek hurkarding qo`lingdan tutsam,
Sochingni silasam- uyat bo`ladi.

Armon - poyimizga to`shalgan gilam.
Faqat dilda qayg`u ko`zlarda so`roq.
Olisdan yonma yon ko`ringan bilan,
Ikki yulduz misol oramiz yiroq.

Bir iliq so`zga ham yetmas imkonim,
Ko`nglim bo`shab  borar, o`pkam to`ladi.
Yig`la, senga yig`i yarashar jonim,
Men ham yig`lay desam, UYAT BO`LADI.

 

Ko'rsatilgan yordam uchun Islom Achilovga minnatdorchilik bildirib qolamiz!