Yuragimni ho'p aldading ey bag'ritosh, 

Yolg'on sevgi karvonida yurib toldim. 

Hijroningda kuyib yondim-ku qaro qosh, 

Muhabbatning ayvonida yolg'iz qoldim.   

Tor ko'changga borolmayman ko'ngil hushlab,

Yurolmayman senla birga qadam tashlab, 

Kuydirding-ku yuragimni qo'lim ushlab, 

Muhabbatning ayvonida yolg'iz qoldim. 

Mening uchun yig'lar bugun majnuntollar, 

Menga suyanch bo'lmay qoldi ul chinorlar, 

Mendan baland bo'lib qoldi past devorlar, 

Muhabbatning ayvonida yolg'iz qoldim. 

Maqtanardim bu qiz mening sevgilim deb, 

Vafodorim oq yurakli oq gulim deb, 

Endi qoldim ko'rganlarim shu bo'lsin deb, 

Muhabbatning ayvonida yolg'iz qoldim.

Gulzordagi har bir guldan a'lo o'zing, 

Boshimdagi eng katta dard balo o'zing, 

Ko'rolmayman endi sening shahlo ko'zing, 

Muhabbatning ayvonida yolg'iz qoldim.

Sensiz dunyo begonadur bilsang agar, 

Yashnab ketar cho'l ham go'yo kulsang agar, 

Kulib qilgin bevafolik qilsang agar, 

Muhabbatning ayvonida yolg'iz qoldim.

Hech tinmaydi bu ko'zlarim seni izlar, 

Sen deb baxtli bo'lolmaymiz endi bizlar, 

Seningdayin bevafomi hamma qizlar, 

Muhabbatning ayvonida yolg'iz qoldim.

O'zga baxtni izlamayman bo'ldi yetar, 

Baxtning o'zi meni izlab kelaqolsin, 

Ey Ollohim hamdardlarim qadrdonlar, 

Mayli shu qiz mendan baxtli bo'la qolsin.