Go'zallar ichra tanhosan farishtam,
Sadoqatda tavonosan farishtam.
Butun olam bo'lib husningga shaydo,
O'zingchi kimga shaydosan farishtam?
Ko'zing a'lo, so'zing a'lo, o'zing ham,
Saropo sarvi a'losan farishtam.
Qarorim yo'q kelib baxsh etgin orom,
Diloromu dilorosan farishtam,
Uchib ketding ko'z oldimdan yiroqqa,
Valekin dilda paydosan, farishtam.
Unutma qayda bulsang ham... Unutma,
Alisher qalbida jonsan farishtam.