Юртда доим байрам бўлсин,тўйлар бўлсин,
Хонадонлар файзга тўлсин,нурга тўлсин.
Қалбларимиз қувончларга тўлиб-тошиб,
Юртда доим байрам бўлсин,тўйлар бўлсин.

Қуёш кўркли кўринур осмон соф бўлса,
Завқланади юраклар меҳр билан тўлса.
Шодланаман инсонлар яйраса,кулса,
Юртда доим байрам бўлсин,тўйлар бўлсин.

Кўчаларни тўлдириб ўтар болалар,
Улар мисли ғунчадир,мисли лолалар.
Атрофда янграйди шўх,жўшқин яллалар,
Юртда доим байрам бўлсин,тўйлар бўлсин.

Қалбга ёқар тинчликда шўх-шўх наволар,
Кўксимизни қитиқлар тоза ҳаволар.
Ҳаста дилни доримас, шодик даволар,
Юртда доим байрам бўлсин,тўйлар бўлсин.

Асли ҳар кун байрамдир, ҳар кунимиз тўй,
Бизни мудом чорлайди эзгу мақсад,ўй.
Келгин дўстим, шу дамда тоза шароб қуй,
Юртда доим байрам бўлсин,тўйлар бўлсин.