Tana meniki-yu ongim seniki
O’zimniki aql yurak seniki
Jamolingni ko’rib lol qoldi tilim
Kechalari bedorman yonadi dilim

Sening visolingni sog’inib go’zal
Tunlari madhinga bitaman g’azal
Mening dunyoimga solsang gar nazar
Yog’ilar mehrdan oltin, dur-u, zar

Hayolimni olding go’yoki pari
Seni sog’inaman telba singari
Zora muz qalbingni eritsa taftim,
Bir umr yuzingni silasa kaftim

Mendan baxtli inson bo’lmas dunyoda
Seni sevdim desang sendan ziyoda,
Ovozing tinglasam go’zaldir ochun
Sen meni sevmaysan ayt! Nega? Nechun?