Ишқинг бирлан боғ яратдим,
Гулзоримда сафо қил.
Гулзорларга чирой берган,
Санамгинам вафо қил.
Куйган дилга сўзинг малҳам,
Паризодим марҳабо.
Хонумоним обод айлаб,
Равзаи муссафо қил.
Ағёрлар иғво айлар,
Зори ани кўзга илмас,
Алар юзин қаро айлаб,
Мен шайдога парво қил.
Ноз билан жоду кўзинг,
Мужгонларинг ўқин отгин.
Мужгонларинг ўқи бирлан,
Шаҳиди мубтало қил.
Лаъли лабинг болларидан,
Мен хастага шифо бер.
Ишқинг дарди адо қилди,
Менга ҳаёт ато қил.
Ишқ муҳаббат йўли оғир,
Азоби кўп, эй Қучқор.
Насиб бўлса етишгайсан,
Муҳаббатни дармон қил.

Қўчқор ҳожи бобо Кўчимов
Ўз Р Халқ таълими аълочиси, меҳнат фахрийси соҳиби,
Қашқадарё вилояти, Қамаши тумани