Маним кўнглим осмондир, чеҳрангда қуёш кулса,
Дил қасримга нур ётдир, чашмингда кўзёш бўлса,
Кўнгиллар муштаракдир, ҳисларимиз ҳам уйқаш,
Сув келса семирурмиз, кемирурмиз тош келса.

Суйган ёр жамолингга термулиб, кўзим қувнар,
Суҳбатингда бўлган чоғ, тилимда сўзим қувнар,
Сенбирла бирга ўтган ҳар оним, рўзим қувнар,
Қанийди ёрин қадрин ҳар бир қари-ёш билса.

Сен мен учун яралган, биз асли бир бутунмиз,
Танҳоликда ночору, биргаликда устунмиз,
Жипсликда мисли пўлат, айроликда кукунмиз,
Бизни дуч келтирган Ҳақ, бир қилса, йўлдош қилса.