Dilda cheksiz muhabbat yashar,
Bu rashk ko‘zga ko‘zmunchoq taqar.
Kelasiz-a, kelmasangiz gar
Ketavering, ishqsiz bevafo.

Armon yoxud hijron, ishq bo‘lib,
Ko‘zingizga to‘kildim men, yor.
Sahifasi sizsiz tugamas
Kitob bo‘lib o‘qildim men, yor.

Suluv qizlar ko‘nglingiz olar,
Bir muhabbat javobsiz qolar,
O‘zdan aziz bilib sevgisin
Aytolmayin bir qiz uyalar.

O‘sha qizni sevib qolasiz,
Izlariga bo‘lasiz ko‘p zor.
O‘sha qizni kunduz qidirib,
Tunda tushda ko‘rasiz takror.

“Kechir” deysiz, men xato qildim,
Endi sensiz yashash, o, o‘lim!
Ketdim sizdan bo‘lsa-da dushvor,
Ketavering, siz ham, sevgilim.

Sevgilim, deb atasam sizni,
Xato bo‘lar, eng katta xato.
Bir paytlari aziz muhabbat,
Chunki menga aytdi alvido.

Endi keting, sevmay qo‘ydi dil,
Sizsiz ham baxt quchyapti ko‘ngil.
Ketdik demang, boshqadir manzil,
Ketavering, mensiz, bevafo,
Ketavering, yolg‘iz, bevafo.