Kutaman...
O'tmoqda bu yillar,
Bugunlar qatiga yashirinib,
Umidda notovon ko'ngillar
Bugundan ketolmas og'rinib.

Yig'lashni boshlaydi ko'zlarim,
Yo'q! deyman, -yig'lashga hojat yo'q,
Kiprigim oladi simirib,
Bugundan... ertaga navbat yo'q.

Ertaga... Qaytarman
U paytlar...
Sochimda o'ynaydi zangor nur,
Kutaman...
Ertaga... u qaytar,
Bugun-chi?
Sochimda oppoq dur.

To'kilib ketmoqda kaftimdan
Ertaga eltguvchi duolar.
Dol kabi munkaygan kaftimda ,
Bugunlar qoldirgan hatolar.

Ertaga... Qaytarman
Bilaman!
Vaslimga ichikib kelasiz
Kutaman...
Ertaga ehtimol...
Ertaga kechikib kelasiz!