Kechiring... | 11:23 PM |
Kechiring, kechiblar ketdim jonimdan,
Sizsiz kimga kerak bu hasta jonim?!
Shubhalar karvoni o'tar yonimdan,
Yo'limni yo'qotib qo'ydim, sarbonim.
Kechiring, olovga otdim erkimni,
Mening erkim sizning qafasingizda.
Oching dilingizni - yo'li berkimni,
Qorishib ketayin nigohingizda.
Kechiring, majnuntol kabi g'amginman,
Bir umr poylayman yo'llaringizni.
Siz haqsiz, siz so'ylang, men endi jimman,
Tinglayman olovli so'zlaringizni.
Bor-yo'g'imni yakson ayladi bir o'q,
Maysa bas kelarmi tog'day cho'ng toshga?
Kechiring, na sabrim, na toqatim yo'q,
Faqat sizga bo'lgan sevgimdan boshqa...
|
Kategoriya: Sevgi muhabbat |
O'qishlar soni: 2590 | Yubordi: Mansurjon |
Joylashtirdi: JET
| Reyting: 5.0
|
