G'amgin ko'rindi dunyo
Bugun mening ko'zimga
Tomchilab oqdi yoshim
Sizni sog'indim ona

Orzularingiz ushaldi
Lekin siz ko'rmadingiz
Farzandlaringiz ulg'aydi
Lekin siz to'ymadingiz

So'zlaringiz sog'inib
Xidlaringiz izlayman
Lek topolmay onajon
Faqat duo qilarman

Bir kam duyo bu dunyo
Kimga vafo qilibdi
Orzulari ushalib
Kim bu dunyoda kulibdi

Nomingiz aytib takror
Sizni qilaman humor
Tinch yotingiz onajon
Mehribon Parvardigor

Siz aytgan so'zlaringiz
Har biri yodimdadir
Sizni mayus ko'zlaringiz
Hamon ko'z oldimdadur

Nasib etsa bir kuni
Yonigizga boraman
Dardlarim osmon - osmon
Sizga aytib beraman

Shunda ko'nglimdagi g'ubor
Qalbimni tark etadi
Shirin so'zlaringi tinglab
Yurakdan dard ketadi

Ko'zimda yoshim bilan
Yozdim ushbu so'zlarim
Qani endi bir bora
Sizni ko'rsa ko'zlarim

Men orzularingiz bog'i
Farzandingiz UMIDJON
Yuragimning bor dog'i
Sizni sog'indim onajon

 

Ko'rsatilgan yordam uchun Jasminga minnatdorchilik bildirib qolamiz.