Osmonimda porlagan quyoshimsiz, azizam,
Ko’zimni tark etmagan ko’z yoshimsiz, azizam.
Sizga ta’rif berishga yetmaydi so’z boyligim,
Mening qalbimdagi bor bisotimsiz, azizam

**************************************
Qadrim

Senga muhabbatim hali so’nmadi,
Seni kutaverib ko’zim tolmadi,
Ammo sening tosh qotgan bu yuragingda
Mening tuproqchalik qadrim bo’lmadi.

**************************************
Bir savol

Hijron dardidan bugun behalovatman,
Sen-chi, eslarmisan meni shu damda?
Bir savol qiynaydi, yuragim ezib,
Men sen uchun kimman yorug’ olamda?

**************************************
Bag'ritosh

Sevgi deganlari bag’ritosh ekan,
Hech rahm qilmadi hasta qalbimga
Sevib qolganimbir qalam qosh edi,
O’t soldi-yu ketdi yurak-bag’rimga.

**************************************
Surating

Qalbimning to’riga chizdim surating,
Endi hech kim uni o’chira olmas.
Jonim, senga bo’lgan muhabbatimni
Yillarning to’zoni so’ndira olmas

Ko'rsatilgan yordam uchun Bahtiyorga o'z minnatdorchiligimizni bildiramiz!

Agar siz ham o'z ijod namunalaringizni bizning portalimizga joylashtirishni istasangiz, "Ilhom chashmalari" sahifasi orqali bizga yo'llang!