Sog'inch senga sirim aytay,
Armonlarga aytmayman, de.
Yaxshiliging unutmayman,
Yomonlarga aytmayman, de.

Taqdir qancha haziling bor?
Zarbalarni kulib ber, sen.
Bilolmadim, bimadim men,
Yor ko'nglini bilib ber, sen.

Bilib ber, shu qizcha meni,
Tunlar o'ylab yotarmikan?
Bugun qo'shni kelin olar,
Ko'chamizdan o'tarmikan?

Aytib ber sen she'rlarimni,
Kapalakka o'qishimni.
Neni yaxshi ko'rib yana,
Nimalardan qo'rqishimni.

Tutib ber sen malagimga
Tuyg'ularning sarasini.
Eslatib tur, qaytgunimcha
Surxon momo allasini.

Eslatib ber, she'rimni
Yuragimning yarmi kabi.
O'zga baxt yo'q ismim agar
Aytib tursa uning labi.

 

Ko'rsatilgan yordam uchun Islom Achilovga minnatdorchilik bildiramiz.