Ertaklar sehriga cho’mgan tunlarim,
Hipchin bedov mingan, hushnud kunlarim,
Sho’x-sha’n, gohida hazin unlarim,
Men sizni sog’inib yashayotirman. Goh yig’lab, goh shodon qaytdi nechalar,
Oqsuyak o’ynagan oydin kechalar.
Qadrdon o’yingoh, tuproq ko’chalar
Men sizni sog’inib yashayotirman. Qo’y boqib qirlarda kezgan ul damlar,
Osuda saharlar, osuda shomlar,
Murg’ak yuragimni o’rtagan g’amlar
Men sizni sog’inib yashayotirman. Umrim niholining cho’ng ildizlari,
Sirli osmonimning oy, yulduzlari,
Chaqmoqday umrimning yorqin izlari
Men sizni sog’inib yashayotirman. Hasad, sohtalikdan begonaligim,
Haqiqat bobida yagonaligim
Bekligim, shoxligim, mardonaligim,
Men sizni sog’inib yashayotirman.
| 
