Orzuim osmonida uchaman sarhush,
Hayollarim bo’lsa ham ro’yo.
Hijron, azob o’tkinchi bir tush,
Jannatlarda yuraman go’yo.

Cho’qqilarda milt-milt yongan yolqinday,
Umid solar dilimga uchqun.
Visol oqshomlari juda yaqinday,
Hapqiradi qalbimda to’lqin.
Hayoliy shaxzodam - mehrim ardog’i,
So’nggi yupanch – hayotga undov.
Yuvgan bilan ketmas yuragim dog’i,
Madorim bir yolg’iz shu aldov.

Kutganim – shaxzodam bag’rim to’ldirar,
Hayotimga bahsh etar mazmun.
O’zi jon bag’ishlab, o’zi o’ldirar,
Ko’zim oldin qoplar yana tun.

Suvga tosh tushganday hayolim sinar,
Sizib chiqar kiprigimga nam.
Suygan bandalarin Ollohim sinar,
Shukur, deyman asli shunga ham.

Uzoqdamas, balki shundoq yonimda,
Yashar menga aziz bir inson.
Ilinj bo’lib oqar mahri jonimda,
Qaydam, kelmas balki hech qachon?!