Бугун жиндай йўкотиб кўйдим
Ўн саккизнинг саботларини
Ўн тўккизим самога учди
Кокиб енгил канотларини

Дийдор ила бўлмадик хамроз
Шафкат биза сингил бўлмади
Бу хаётдан этмасак-да ноз
Йигирмадан кўнгил тўлмади

Кеча сизга кўшик айтардим
Айни бахор ўн саккизимда
Бахор янглиг кетдингиз мардим
Йигирмага тўлган кезимда

Шунда, шунда билдим дунёни
Дуоибад килдим дунёни
Йигирма бир видолар они
Йигирма бир ёшлик поёни

Бугун сизга кўшик айтмайман
Мухаббатим жўшиб айтмайман
Айтгим келса гурур аталмиш
Тулпоримдан тушиб айтмайман

Кунлар ойлар йиллар асрлар
Саф тортади надомат чекиб
Хайр энди гўзал фасллар
Салом энди йигирма икки.