Nechun men kuzatib turgan yulduzlar
Doim har tomonga uchib ketarlar?
Ularning holidan bo'lib men hayron
Yulduzlarga so'roq beraman har on:

Qay tomon uchasiz sirlarim olib-
Mening dil so'zlarim yurakka solib
Nechun doim xafa qilasiz meni
Jim o'yga cho'maman yushunmay buni!

Uchib ketasiz-u porlaysiz yorqin
Go'yoki kelasiz siz menga yaqin
Shunda quvonaman eshitdingiz deb,-
Shodlanib kutaman, o'chasiz lekin...

So'ng faryod chekaman, chekaman alam,
Bu ulkan falakdan yolvoraman zor
Nahotki shunchalar yulduzlar qolib
Mening yulduzimni qilasizlar xor...

Go'yo so'zlarimdan bo'lib norizo
Falak yulduzlarin so'ndirdi bir-bir
Yulduzlarga berib shunchalar ozor
Asta quyosh chiqib so'radi uzr...

 

Ko'rsatilgan ko'mak uchun Sitora Ashrafovaga minnatdorchilik bildiramiz.