Ishqim fojiasin unutmoq uchun, Muhabbat bog’ida yolg’iz kezardim. Atrofni aylanib, ko’nglim g’ash nechun, O’zimni eng bahtsiz qiz deb sezardim.
Har tomonda hamma bahtidan sarhush, Hatto shivirlashar gul bilan bulbul. Ularga jilmayib boqdim-u, lekin Mening sevgim esa muzlagan butkul.
Bu bog’da bahorning tashrifin ko’rib, Yana yolg’iz ko’nglim yig’laydi shut ob. Men ham istay qalbim kulmog’in, ammo Hammasi tugadi, hammasi sarob.
Ishq bog’ida ishqim izlab topmadim, Yuragimni chulg’ab oldi tahlika. Endi men do’stlarim, umrbod, mangu, Bahtsizlar yurtida bahtsiz malika.
Ey hudo, yakkalik jonimga tegdi, Tunlarim yolg’iz-u, kunlarim yolg’iz. Yig’lab tug’ilgandim, yig’lab o’lyapman, Mendan bu dunyoda qolmadi bir iz…
Ko'rsatrilgan yordam uchun Hurshida Saribayevaga tashakkurimizni bildiramiz.
Shuningdek sizda ham she'rlar bo'lsa bizni saytimizda joylashtirishingiz mumkin. Buning uchun she'rlaringizni jet@ziyo.uz ga yuvorishingiz talab etiladi.
|